السلام عليكم ورحمة الله وبركاتةيعانى اصحاب الشبكات في الفترة الاخيرة من انقطاع الانترنت وان اي بي الروتر بيتسحب كل شوية علي جهاز احد المشتركين بالشبكة ودة مش برنامج لسحب السرعة ولا حاجة دة فيروس
أولا توضيح المشكلة
من قائمة start نختار run ونكتب فية cmd
ثم نكتب arp -a
هنلاحظ انة جايب اي بي الروتر والماك ادريس بتاعة وهوة بالشكل المظبوط الخاص بالروتر بتاعى واكيد هيختلف عند الكل
وهنا انا معنديش الفيروس علي الشبكة او الجهاز المصاب بالفيروس مقفول
ملحوظة انا مغير اي بي الروتر عندى وهوة 192.168.1.2
لو الجهاز اللى علية الفيروس فتح بتلاقى ان الماك ادريس بتاع الروتر اختلف
وان اي بي الروتر اخد ماك ادريس الجهاز المصاب
برضة علشان زيادة التأكيد في حالة البينج العادية علي الروتر بيظهر كما بالصورة
لو الشبكة عندك مصابة بالفيروس دة هتلاقي البينج وقتة بيعلي
زى ما موجود بالصورة
الفيروس بيتنقل عن طريق التصفح و بيكون علي هيئة ملفات بصيغة gif
علشان نعرف نقضي علي الفيروس دة بسرعة انا بقترح بالاتي1- ان كل صاحب شبكة يفقل ال DHCB ويخلي الشبكة static يعنى محدش يشتغل غير لما يكتب ال اي بيهات
2-يغير اي بي الروتر gateway عن المعتاد اللي بيجي من الشركة
3- يتصل بالمشتركين اللي معاه بالشبكة و يطلب منهم انهم يغيروا نسخ الويندوز وطبعا قبلها يكونوا محضرين نسخة الانتي فيروس علشان يسطبوها بعد تغيير نسخ الويندوز علي طول. وطبعا هنا هيديهم اي بي الروتر الجديد علشان يعملوا ابديت
4- المشتركين ميستخدموش النت ولا الشات ولا الماسنجر بعد تنزيل الويندوز و تنزيل الانتي فيروس لحد ما الانتي فيروس يعمل ابديت و يعملة ريستارت و يعمل اسكان علي الجهاز كلة